Nënkryetari i PD, Edi Paloka ka denoncuar sjelljen e policisë dhe të truprojave të ministrit të Brendshëm, Sandër Lleshaj ndaj ish-deputetit demokrat Bardh Spahia.
Në një deklaratë nga selia e PD, Paloka tha se nga paniku i protestave të opozitës, Rama ka urdhëruar të ushtrojë dhunë dhe të bëjë arrestime masive.
“PD-ja dënon me ashpërsi ndalimin, shoqërimin dhe arrestimin e protestuesve paqësorë kundër të cilëve nuk ka asnjë provë. Janë me dhjetëra qytetarët të ndaluar me urdhër të Ramës dhe mbetjes komuniste Sander Lleshaj, të cilët kanë për qëllim të ushtrojnë terror ose të frikësojnë shqiptarët. I kanë bërë llogaritë gabim. I zhytur në panik, Edi Rama po përdor represionin duke filluar nga narkopolicët dhe banditët me uniformë që përgatisin raporte të rreme kundër protestuesve deri tek prokurorët e Arta Markut që ngrenë akuza politike, deklaroi Paloka.
