Kryertari i Grupit Parlamentar të PD, Edi Paloka ka thënë sot se sipas tij mazhoranca ka nisur që sot përpjekjet për të manipuluar zgjedhjet e 21 qershorit.
Sipas Palokës, informacioni që PD ka është se po zhvendosen votuesit drejt Tiranës për të votuar për Veliajn.
“Qoftë me sjelljen edhe të kohëve të fundit, gjë që do të vërtetohet të votuesve nga zona të tjera në Tiranë për të votuar Erion Veliajn, por edhe me ndarjen territoriale që u bë, duke përjashtuar zona që njihen që janë djathtas dhe që janë ngjitur me Tiranën dhe duke futur komuna që janë në distancë me Tiranën, por votojnë majtas, qëllimi është ky”.
Megjithatë, sipas Palokës, të gjithë sondazhet thonë se fitues në Tiranë do të jetë Halim Kosova.
“Sot në të gjitha sondazhet dihet qartazi që kandidati i PD është përpara”, thotë Paloka për Ora Neës.
“Nuk mendoj që nuk ka qytetar në këtë vend, qytetar i Tiranës, qytetar i ndershëm që i do të mirën në radhë të parë vetes dhe është i ndershëm në radhë të parë me veten, që kur gjendet përballë zgjedhjes mes Halim Kosovës dhe Erion Veliaj, të votojë Veliajn.
Erion Veliajn nuk ja duan as socialistët e tij.
Nuk mund të pranojnë as ata vetë që në krye të bashkisë të vihet sozia i Ramës, i cili nuk do bënte gjë tjetër nëse fitonte por të fuste në xhepat e tij dhe të Ramës, paratë e qytetarëve”, tha ai.
Në rast të një vote pozitive, demokratet 21 qershorin e shohin si rrugen drejt zgjedhjeve të parakohahme parlamentare.
“Vota e shqiptarëve do të jetë jo vetëm një alarm për këtë qeveri, por edhe një tregues i qartë se me këtë mënyrë qeverisje nuk mund të vazhdohet. Pas 21 qershorit, në mbështetje të shqiptarëve do të kërkojmë që në Shqipëri të bëhen ndryshimet e duhura”, thotë Paloka.
