Pas përfundimit të mbledhjes së grupit parlamentar të PD-së, kreu saj, deputeti Edi Paloka tha se opozita është e vendosur në qëndrimin e saj të kufizuar përkarshi parlamentit, nëse nuk arrihet një marëveshje mes palëve për dekriminalizimin. Sipas Palokës, maxhoranca është ajo që po shtyn arritjen e konsensusit, me qëllim ruajtjen e të inkriminuarve brenda saj. Deputeti tha se formulari i vetëdeklarimit i sjellë nga PD ka ardhur i gatshëm nga FBI.
“Nëse do kishim arritur një marrëveshje të përbashkët me aktet nënligjore, nuk do ishin të nevojshme negociatat. Formulari ka ardhur i gatshëm nga FBI dhe nuk ka pasur nevojë për negociata, megjithatë PS nuk pranoi që të adaptonte këtë formular, por tentuan të fusnin në formular pika që praktikisht krijonin hapësira që të shpëtonin një nr. I madh i atyre që mbajnë poste zyrtare. Jemi në negociata dhe në moment që do arrihet marrëveshja do kthehemi në parlament. Aktet nënligjore të Derkiminalizmit ishte detyrimi i fundit dhe kjo ishte data e fundit.”, tha Paloka.
