“Edi Rama, po përpiqet të fshehë trafiqet”. Ky është reagimi i kryetarit të grupit parlamentar të PD-së, Edi Paloka, në lidhje me zhvillimet më të fundit në vend, por duke u fokusuar kryesisht tek kapja e disa personave nga policia që kryenin trafik armësh. Sipas Palokës, kur gazetarja e Euroneës e pyeti për trafikun e armëve, Edi Rama iu hakërrye keq, sikur ajo po sajonte e po shpifte.
“Por sot është kapur një grup që trafikonte jo vetëm armë të lehta, por dhe mitralozë e granata. Rama me siguri nuk di më pak se gazetarja e euroneës, por mundohet ti fshehë këto trafiqe e trafikantët, dhe madje ti mbrojë ata. Siç bëri me Balilin, siç bën me Habilajt e shumë banda të tjera. Po krimet janë të rënda shumë e nuk mbulohen dot prej tij. Të habiturin e të paditurin bëri dhe për avionët e drogës, po ato mbushën qiellin. Është e qartë se Rama s’ka padije për këto punë, se këto punë bëhen me licesën e tij. Ai thjesht mundohet ti fshehë”, komentoi Paloka.
Me.Ar
