Në Tiranë, fakultetet përkatëse kanë nisur shpërndarjen e Kartës së Studentit, përmbushja e një tjetër premtimi në kuadër të Paktit me Universitetin.
Fakultet njoftojnë studentët e të gjithë cikleve se duke nisur që nga dita e hënë, do të shpërndahet Karta e Studentit.
Në njoftimin për shtyp, Fakulteti i Historisë dhe i Filologjisë bën të ditur se “studentët e programit Bachelor, Master Profesional dhe Master Shkencor, drejtimi Gjuhë Letërsi, se ditën e Hënë datë 27.05.2019, ora 9.00-16.00 pranë ambienteve të FHF- së në zyrën e Arkeologjisë dhe Trashëgimisë Kulturore, përballë zyrës së masterave, kati i parë, fillojnë procedurat e pajisjes me Kartën e Studentit”.
“Studentët e programit Bachelor Gjuhë Letërsi, si dhe studentet e masterit MP dhe MSH, do të paraqiten në këtë zyrë, ku do të fillojnë veprimet për kryerjen e kësaj procedure sipas grafikut të mëposhtëm:
E Hënë, 27.05.2019, ora 900-1600 Viti i parë Bachelor
E Martë, 28.05.2019, ora 900-1600 Viti i parë MP, MSH
E Mërkurë, 29.05.2019, ora 900-1600 Viti i dytë Bachelor
E Enjte, 30.05.2019, ora 0900-1600 Viti i dytë MP, MSH
E Premte, 31.05.2019, ora 0900-1600 Viti i tretë Bachelor”, thuhet në njoftim.
Njoftimi është publikuar edhe nga Fakulteti i Arkitekturës dhe Urbanistikës sipas së cilit, të gjithë studentët mund të aplikojnë për Kartën Bashkiake të Studentit dhe të përfitojnë të gjitha shërbimet që u ofrohen nëpërmjet kësaj karte.
Çdo student i institucioneve të arsimit të lartë të qytetit të Tiranës, i cili është në moshën nga 18 vjeç deri 28 vjeç, mund të aplikojë për përfitimin e Kartës.
Nëpërmjet Kartës së Studentit, studentët do të përfitojnë shërbime me çmime të reduktuara për transport dhe 14 fusha të tjera shërbimesh.
Në Kartën e Studentit janë të përfshira tarifa të reduktuara për teatër apo kinema, muze galeri, kontroll shëndetësor, barna me rimbursim, paketa shëndetësore, strehimi social, stadium, pallat sporti apo edhe palestër, shtëpi pushimi dhe në zonat e mbrojtura, shërbimet bankare apo kredi, kurse profesionale si dhe certifikatë gjyqësore apo shërbime noterie si dhe zero tarifë për bibliotekat e lagjeve dhe qendrat multifunksionale.
(ATSH)
/a.r
