Rreth 15 studentë të ekselencës të shpallur fitues pas aplikimit në portalin “Punë të Mbarë”, janë punësuar pranë administratës së Ministrisë së Brendshme.
“Nga ekselenca në punë në Ministrinë e Brendshme”, tha sot Kryeministri Edi Rama, duke iu referuar një prej pikave të Paktit për Universitetin, e cila tashmë është jetësuar me punësimet e studentëve ekselentë në administratën shtetërore.
Më herët, edhe ministri i Brendshëm, Sandër Lleshaj në një takim me studentët ekselentë që u punësuan pranë këtij dikasteri, shprehu besimin se eksperienca e tyre do të shërbejë si një model pozitiv. Ai theksoi se “me më të mirët në krye, ne ecim më shpejt drejt destinacionit tonë europian”.
Studentët që i janë bashkuar administratës së Ministrisë Brendshme, përbëjnë rreth 8% të të gjithë punonjësve.
g.kosovari
