Në Berat është nënshkruar të premten Pakti i Mirëqenies Sociale me bashkitë e këtij qarku, Kuçovë, Poliçan, Çorovodë dhe Ura Vajgurore.
Ministri i Mirëqënies Sociale dhe Rinisë, Blendi Klosi ka sqaruar se projekti që merr përsipër të transferojë fondet pranë pushtetit vendor, do të shtojë edhe kontrollin dhe standardin e cilësisë së institucioneve që ofrojnë shërbimet për njerëzit në nevojë.
“Ajo që po nënshkruajmë sot me katër përfaqësuesit e pushtetit vendor, ka si qëllim rritjen e shërbimit ndaj qytetarëve . Ne duhet të ofrojmë shërbim në mënyrë të barabartë për çdo qytetar dhe ky është thelbi i përpjekjes sonë, për të ndërtuar një filozofi në të gjithë Shqipërinë, për tu shërbyer të gjithëve njëlloj”, tha ministri.
Përveç transferimit të kompetencës së menaxhimit të shërbimeve, Pakti i Mirëqenies Sociale synon rritjen e shërbimeve ndaj qytetarëve. /b.d
