Deputeti i Partisë Socialiste, Petro Koçi e quajti Sali Berishën “non grata” dhe Ilir Metën spiun, teksa analizoi marrvëshjen mes tyre.
Në një intervistë për Euronews Albania, Koçi nënvizoi se të dy po fabrikojnë akuza ndaj maxhoranës, duke e quajtur këtë një teknologji politike.
“Njëri ka damkën e non-gratës dhe tjetri atë të spiunit. Opozita që urdhërohet nga Berisha dhe Meta problemin kryesor ka kapërcimin e atyre damkave që kanë të dy.
Iu duhet një impakt emocional tek njerëzit që të realizojnë ndonjë demonstrim publik, i cili për ata të lexohet si domethënës, si një pjesëmarrje të kënaqshme.
Për ta përgatitur këtë lloj atmosfere i duhet të fabrikojnë akuza që në perceptimin njerëzit janë nganjëherë tejet efikase. Kjo është teknologji politike”, u shpreh Koçi./m.j
