Pjesa veri-perëndimore e Pakistanit do ta ndalojë festimin e Ditës së Shën Valentinit. Qeverisja lokale gjithashtu ndalon edhe shitjen e dhuratave nëpër dyqane.
Qeveria lokale në Khyber Pakhtunkhëa u ka thënë oficerëve policorë për ta ndaluar shitjen e kartolinave për Ditën e Shën Valentinit dhe dhuratat e tjera.
Qyteti Kohat, në Pakistan është e drejtuar nga një parti politike fetare, shkruan BBC, transmeton Gazeta Express.
Dita e Shën Valentinit do të festohet në të gjitha qytetet e Pakistanit, por jo në Kohat, përshkak të grupeve fetare që e kanë ndaluar këtë festim tash e disa dekada.
Administratori i qytetit Kohat, Maulana Muhammad Niaz i ka thënë BBC se Dita e Shën Valentinit nuk është festë ligjore dhe se kjo festë është kundër fesë islame. /GazetaExpress