Paketa anti-shpifje pritet që të miratohet sot në Kuvend. Kjo paketë ka ngjallur reagimin e disa dgazetarëve, të cilët janë organizuar dhe sot në orën 09:30 do të organizojnë një protestë para Kuvendit.
‘MOSnaPREKfjalën’, do të jetë slogani i protestës, ku kërkohet që të mos cënohet liria e fjalës së lirë.
Shoqatat e gazetarëve dhe shoqërisë civile kundërshtojnë paketën Anti-shpifje për shkak se sipas tyre, nuk i jep zgjidhje lajmeve të rreme.
Gazetarët në fjalë, i kërkojnë qeverisë të pranojë vërejtjet e Komisionit Europian si dhe kërkesën e Komisioneres Mijatovic që thotë: ‘Interneti të mbetet i hapur dhe forum publik dhe që të mbizotërojë vetërregullimi në media, përfshirë median online’.
Ndërkohë Kuvendi do të zhvillojë seancën sot në orën 10:00, ku pritet të miratohet kjo paketë.
/a.r
