Kryeministri Edi Rama përmes një deklaratë për mediat njoftoi sot se qeveria ka miratuar vendimet për 8 kërkesat e studentëve
Kreu i qeverisë deklaroi se mbështetja shkon përtej kërkesave të studentëve, ku paketa e qeverisë do të jetë 8+. Kreu i qeverisë deklaroi se nuk do të ketë rishikim të buxhetit, ndërsa u shpreh i vendosur se ligji i arsimit të lartë nuk do të preket, dy kërkesa këto të opozitës.
PAKETA 8+
“ Paketa jonë do të jetë 8+. Uroj që dialogu do të vazhdojë dhe ndërkohë paketa, pakti i universitetit do tu ofrohet studentëve për ta parë dhe vlerësuar dhe kontribuar që në fund të kemi një marrëveshje të madhe mirëkuptimi dhe angazhimesh mes qeverisë dhe studentëve. Por deri tani kemi vendosur që të gjitha vendet në administratë publike të jenë në dispozicion të studentëve më të mirë. Vendim i KM për punësimin e studentëve më të mirë në administratën shtetërore, pjesë e shërbimit civil, ku kanë pengesë se kur shkojnë për konkurrim nuk kanë eksperiencë”, tha Rama
Kryeministri deklaroi se buxheti i shtetit nuk do të preket
NUK KA NDRYSHIM BUXHETI
“Nuk ka nevojë për ndryshim buxheti, financimi është i garantuar. Për tarifat financimi do të jetë brenda fondit të arsimit dhe në vijim është parashikuar gjithçka. Ata që kërkojnë ndryshime buxheti janë ata që duan që studentët mos dinë se cfarë kërkojnë, ndërkohë që unë e di mirë se cfarë kërkojnë. Gjithçka është e përllogaritur deri në qindarkën e fundit. Vendimi i qeverisë del në bazë të buxhetit. Fondi është i garantuar.”
PLAN B NËSE VAZHDON PROTESTA?
“Plani im është shumë i qartë, unë do të udhëheq protestën e studentëve, mund të qeshni, por do të shikoni që shumë shpejt do të jap protestës si kam kapur gjithë të tjerat”
Kryeministri Edi Rama deklaroi se ligji i arsimit të lartë nuk preket.
LIGJI I ARSIMIT TË LARTË
“Nuk ka asnjë arsye që ligji iarsimit të lartë të preket sot. Më e bukura është se nga të gjitha bisedat që kam bërë publike ose jo, deri tani nuk kam dëgjuar asnjë që të më japë një fakt që këtë zhvillim pozitiv të kërkuar e ka penguar ligji i arsimit të lartë, përkundrazi kam parë në vazhdimësi që shumë gjëra që kërkohen Ligji i arsimit të lartë i kërkon po ashtu. Kemi një boshllëk për të mbushur që është nga ligji tek ligjshmëria. Është njësoj si të thuash përderisa asnjë shqiptar trim nuk e vendoste rripin e sigurisë ligji nuk funksiononte dhe duhej të bënim një ligj tjetër. Edhe një fjalë kam për pedagogët që mbledhin firma për të prekur ligjin e arsimit të lartë që është shumë e rendësishme të ndajmë një herë pedagogët. Ka shumë pedagogë që janë heronj, por ka dhe të tjerë që janë si ajo shprehja në atë filmin sa gjërat bëhen në emrin tënd o popull. Përpara sesa pedagogët të shkojnë tek ligji është mirë që secili të provojë përputhjen e vet me ligjin sa i takon atyre që pretedon apo atyre që ai është, doktor… profesor.. i asociuar.. ligji nuk na pengon as për këtë… Prandaj ligji nuk ka asnjë aryse të preket
Ndryshimi i ligjit te arsimit te larte dhe i buxhetit ka qene nje kerkese e vazhdueshme e opozites. Presidenti Meta e riktheu per rishqyrtim buxhetin, por u rrezua nga Kuvendi
Rishikimi i titujve akademikë
Janë parë çudira, shkelje e plotë e standardit të udhëheqjes. U vendos kontrolli anti-plagjiaturë, si dhe kaloi projekt ligji, për kodin e sjelljes dhe integritet në kërkimin shkencor në Shqipëri. Është një projekt ligj që analizon këtë situatë.
Bordi i administrimit
Të gjithë anëtarët e bordeve de fakto janë të shkarkuar, de jure do të qëndrojnë deri në zëvendësimin, pasi mund të ketë emergjenca. Zëvendësimet do të bëhen në mënyrë transparente.
Një prej anëtarëve të qeverisë, do të vijë si propozim nga student, jo student, por figura të njohura që janë për këtë fushë.
Karta e Studentit
Në nëntor 2018 është lidhur marrëveshja dhe po punojmë për përfshirjen e Shqipërisë në rrjetin e vendeve që marrin kartë studenti evropiane.
Biblioteka dixhitale
Është vendosur marsi si afat për krijimin e një biblioteke dixhitale globale.
Javanews/a.çupaj
https://www.javanews.al/vendimet-e-qeverise-studentet-qe-sdo-paguajne-tarife-dhe-ata-qe-perfitojne-burse-10-mije-leke/
