Policia e Shtetit po ushtron mbrëmjen e sotme kontrolle të befasishme në qytetin e Elbasanit, raporton korrespondenti i “Panorama”. Ende nuk raportohet për persona të shoqëruar nga “blutë”.
Ndërkaq, bëhet me dije se policia ka ngritur disa post-blloqe në hyrje dhe dalje të qytetit.
Efektivët po u ushtrojnë kontrolle makinave luksoze dhe qëllimi është kapja e personave të dyshuar apo të shpallur në kërkim.
Kontrollet vijnë pak ditë pas vrasjes së dyfishtë që tronditi Elbasanin, ku Lulzim Bitri dhe Ardian Subashi (Çollaku), u ekzekutuan në afërsi të vendit “rrethrrotullimi i luleve”.
Kontrolle janë kryer po sot edhe në qytetin e Vlorës, ku u sekuestruan armë zjarri dhe municion luftarak, si dhe u shpall në kërkim një person.
Vlen për t’u theksuar se aksionet e unifomave blu vijnë pasi Gledis Nano mori detyrën si drejtor i Policisë së Shtetit, duke zëvendësuar Ardi Veliun.
g.kosovari
