Ministri i Brendshëm Sajmir Tahiri ka diskutuar nga foltorja e parlamentit në lidhje me pajisjen e përgjimit, duke i drejtuar një pyetje deputetëve të opozitës… “Kush do ta shpëtojë Presidentin?!”
Ishte kjo pyetja e Ministrit, pas letrës zyrtare të policisë italiane që konfirmonte se pajisja e Interforcës, e cila ndodhet në Shqipëri për motive trajnimi, nuk përgjon.
Ministri Tahiri tha se akuzat e Presidentit se është cënuar siguria kombëtare janë të paprecedenta, në kushtet kur ai “ja futi kot dy herë” vetëm sepse kishte dëgjuar disa fjalë nga kreu i SHISH Ajazi.
“Edhe sikur të çmendet ndonjë operator, përsëri kjo pajisje nuk mundet të përgjojë, pasi i mungojnë softet për ta bërë këtë.
Ky skandal mori një përthyerje zyrtare, me një shkresë zyrtare drejtuar prokurorisë.
Tani unë kam një pyetje… Kush do i dalë në mbrojtje Presidentit të Republikës? Kush do e shpëtojë atë, që shkuli me alarm të madh se është cëenuar siguria… kur mësova se ai do të bënte një prononcim pëër shtyp, prisja që ai do të kërkonte falje… por Presidenti nuk doli për këtë por për halle politike të SHQUP-it.
Kam një pyetje për ju sot, kush do e shpëtojë sot Presidentin, si mund të rrijë në atë detyrë ai?!
Çfarë lloj Presidenti është ky që del në televizion që thot se është kërcënuar siguria kombëtsare… e kur e përgënjeshtrojnë, jo ne, sepse ne kemi qenë konsistentë, por autoritetet italiane… çfarë do të bëjë ky President?!
E kuptoj drejtorin e shërbimit deri diku, që thotë se mua ma tha njëri, e pash në internet në google se cfarë ishte kjo pajisja dhe shkova e ja thash Presidentit.. sepse ishte fiks, tamam një thashethem i vogël për Presidentin.”- tha Tahiri. javanews/ a.k
