(Update) Deputeti Tom Doshi është paraqitur sot në Gjykatën e Lartë, në kuadër të procesit gjyqësor mes tij dhe deputetit të LSI, Spartak Braho, për “shpifje”.
Por seanca është shtyrë për shkak të mungesës së Brahos, ndërkohë që Doshi, në një prononcim për mediat në dalje nga gjykata, ka rikonfirmuar akuzën. Ai theksoi gjithashtu se hetimet për atentatin e pretenduar ndaj tij vazhdjnë.
“Sot ishim në Prokurori. Ende nuk janë mbyllur hetimet. I kërkova Brahos 1 lek, ngaqë nuk doja ta dëmtoja ekonomikisht. Hetimet nuk kanë përfunduar.” tha Braho
Edhe avokatët e tij kanë hedhur posShtyhet seanca “Doshi-Braho”, avokatët: Hetimet e prokurorisë nuk kanë mbaruarhtë lajmet e publikuara në media se Prokuroria e Përgjithshme ka mbyllur hetimet ndaj klientit të tyre.
“Zyrtarisht ju komunikojmë se njoftimi për mbylljen e hetimeve është i pavërtetë. Për zotin Doshi hetimet nuk kanë përfunduar, por vazhdojnë. Ne nuk jemi njohur ende me tërësinë e materialeve të hetimit, ndërkohë që ka një kërkesë në Gjykatën e Lartë për shfuqizimin e disa veprimeve të prokurorisë. Mendoj se ka një rrugë të gjatë derisa të përfundojë çështja”, ka deklaruar avokati Vladimir Meçi.
Padia për shpifje, Doshi përballë Brahos në gjykatë për 1 Lek
Deputeti i përjashtuar nga Partia Socialiste Tom Doshi rikthehet sot sërish në Gjykatën e Lartë këtë herë për t’u përballur me deputetin e Lëvizjes Socialiste për Integrim Spartak Braho, të cilin e ka paditur për shpifje.
Procesi që pritet të nisë në orën 11:00 do të gjykohet nga Artan Zeneli, Arjana Fullani, Mehdi Bici, Mirela Fana dhe Andi Celiku.
Padia u depozitua në Gjykatën e Lartë në muajin Prill, ku Doshi kërkon dëmshpërblim 1 Lek nga Braho, pasi sipas tij Braho shpifi për raportin mjekësor të Tom Doshit.
