Gjykata Administrative ka rrëzuar padinë e këshilltarëve të PD ndaj bashkisë së Tiranës për çështjen e informimit të pakicës në mbledhjet e këshillit. Të djathtët pretendonin se kryetari i bashkisë nuk u përgjigjej kërkesave të tyre për informim rreth çështjeve të caktuara.
Por, përkundër pretendimeve të këshilltarëve të djathtë, Gjykata Administrative në përfundim të hetimit gjyqësor vendosi për rrëzimin e padisë së grupit të këshilltarëve të PD-së duke e vlerësuar si të pambështetur në prova dhe në ligj.
Sipas gjykatës Bashkia e Tiranës e ka informuar PD lidhur me kërkesat e saj, si dhe ia ka vënë në dispozicion dokumentacionet e kërkuara.
