Kreu i Bashkisë së Tiranës, Erion Veliaj, i është drejtuar mbrëmjen e së premtes Prokurorisë së Tiranës, ku është marrë në pyetje në lidhje me këndin e lojërave të ndërtuar tek Kodrat e Liqenit Artificial. Në Prokurori, kryebashkiaku Veliaj u paraqit i shoqëruar edhe nga Arbi Mazniku raporton News 24.
Nga burimet mësohet se Erion Veliaj është marrë në pyetje nga prokurori Gjergji Tako.
Sipas të njëjtave burime, Veliaj ka shprehur qëndrim në mbrojtje të parkut të lojërave.
Po kështu, në pyetje janë marrë edhe persona që janë marrë me projektin.
Hetimet për parkun kanë ardhur pas kallëzimit të Partisë Demokratike dhe të Presidentit Bujar Nishani./a.m.
