Boksieri filipinas, Manny Pacquiao ka konfirmuar se ka nisur bisedimet për duel me yllin britanik Conor McGregor në muajin prill kur ai do të jetë i lirë nga detyrat e tij si politikan.
“Nëse mund të bisedojmë, unë nuk kam problem. Është në rregull për të dy”, ka thënë Pacquiao kur është pyetur nëse ka kërkuar duel me McGregorin, i cili humbi ndeshjen e madhe me të pamposhturin amerikan, Floyd Mayweather.
I pyetur nëse tashmë është afruar me ekipin e McGregorit për një duel të mundshëm, Pacquiao ka thënë: “Janë fillestare sepse nuk kemi pasur biseda tjera”.
McGregor nuk është ndeshur në UFC ose boks që prej humbjes nga Mayweatheri në gusht, përgatiti Koha. (b.an)
