Kompania Mabetex në pronësi të Behgjet Pacollit ka publikuar në faqen e saj zyrtare një projekt të panjohur për shqiptarët.
Bëhet fjalë për ndërtimin e një resorti luksoz në Divjakë të Lushnjes, zonë bregdetare kjo e pasur përveç detit edhe me lagunën dhe pyllin.
Në faqen e kompanisë theksohet se vizitorët do të kenë mundësinë të shijojnë florën dhe faunën që ofron Divjaka, ndërsa ndërtimi do të prekë 1050 hektarë gjelbërim dhe 200 hektarë det. Sipas projektit, i gjithë resorti do të zejë një sipërfaqe mbi 3 mijë metra katrorë.
Ende nuk dihet nëse ky është një projekt i fituar nga ana e Pacollit, apo thjeshtë një ide e mundshme e Mabetex. Në fakt, zona e Divjakës është një tokë që figuron në pronësi të shtetit, i cili mund ta shfrytëzojë atë duke e shitur apo dhënë në përdorim.
