Serbia ka marrë ditën e sotme një vendim për mos zbutje të masave anti-Covid.
Sa i pëket masave në kufij, autoritet serbe kanë deklaruar se të gjithë ata që do të marrin dy dozat e vaksinës anti-COVID, dmth me një certifikatë vaksinimi nga Republika e Serbisë, do të lejohen të hyjnë në Serbi pa një test PCR dhe pa izolim.
Situata është e njëjtë me shtetasit e huajt nëse ata janë plotësisht të vaksinuar, raportojnë mediat serbe. Sipas tyre, vaksinimi i plotë nënkupton marrjen e dy dozave të vaksinës Pfizer, Sinofarm dhe Sputnik ose një dozë të vaksinës AstraZeneca.
Epidemiologu kujtoi se rreth 1.3 milion njerëz janë vaksinuar deri më tani, dhe se gati 900,000 janë imunizuar plotësisht.
Pas sesionit, Shtabi i Krizave gjithashtu rekomandoi që studentët që ndjekin klasat online mund të shkojnë në shkollë vetëm për vlerësim.
“Ne duhet të jemi realistë, ta shikojmë situatën në mënyrë objektive. Sonte ishte një natë e vështirë, gjendja ishte edhe më e ndërlikuar, spitalet ishin pothuajse të mbushura”, deklaroi epidemiologu Branislav Tiodorovië.
Ai deklaroi se, sipas të dhënave të fundit, përqindja më e lartë e rasteve të reja të infeksionit me koronavirus është në mesin e popullatës së moshës 30 deri në 55 vjeç, por që shkalla më e lartë e vdekshmërisë është te personat mbi 65 vjeç./ b.h
