Sekretari i përgjithshëm i NATO-s, Jens Stoltenberg, sot ka kërkuar që aleatët evropianë të aleancës t’i rrisin shpenzimet për mbrojtje, për ta siguruar presidentin amerikan, Donald Trump, se anëtarët e paguajnë në mënyrë korrekte pjesën e tyre.
“Ne ende nuk kemi ndarje korrekte të ngarkesës brenda aleancës sonë”, u tha Stoltenberg gazetarëve në Bruksel, derisa e ka publikuar raportin vjetor për aleancën më të madhe ushtarake në botë.
Vetëm pesë aleatë e plotësojnë synimin për shpenzimin e 2% të GDP-së për mbrojtje: SHBA, Britania, Estonia, Greqia dhe Polonia, raporton agjencia AP.
“Të gjithë aleatët duhet ta arrijnë këtë qëllim”, tha Stoltenberg, duke i përkujtuar përkushtimet e presidentëve dhe kryeministrave të vendeve anëtare të NATO-s për ta bërë këtë, në vitin 2014. /a.m.
