Grida Duma tashmë ëshë bërë një personazh për të cilin flasin të gjithë, disa për karrierën e saj politike, disa për fushatën elektorale. Por ka nga ata që flasin edhe për pamjen e saj, dhe kjo ndoshta është një pjesë e mirë e qytetarëve, dhe tashmë edhe në politikë.
Këtë radhë Grida është bërë personazh dhe objekt diskutimi edhe në Komisionin Qendror të Zgjedhjeve. Kjo për shkak se Duma nuk është regjistruar dje si kandidate për Bashkinë e Durrësit, për shkak të problemeve me mbiemrin e saj.
Kjo ka shkaktuar debate në KQZ. Ka qenë anëtari i PD-së në KQZ, Hysen Osmanaj, i cili tha se Grida Duma po i verbon njerëzit, pasi është shumë simpatike.
“Në Shqipëri ka mjaft probleme me emrat. Unë në diplomën e shtetie e kam Osman, ndërsa në regjistrimin për ushtar, Besim. Debati për zonjën Duma bëhet për shkak të frikës që keni nga ajo. Ajo po i verbon njerëzit, pasi është shumë simpatike. Dhe po i shkojnë pas nga të gjitha drejtimet”, tha ai.
Redaksia Online
(JavaNews.al)