Operatori i Shpërndarjes së Energjisë Elektrike njofton blerjen e 10.9 milionë euro energji elektrike për periudhën 01-28.02.2017.
Sipas njoftimit zyrtar të OSHEE-së, sasia e blerë e energjisë është 168,000 MWh energji elektrike dhe e konvertuar në vlerë monetare është 10,952,088 Euro (vlera pa TVSH), me çmim mesatar prej 65.19 Eu/Mwh.
Sipas burimeve nga OSHEE, duke qenë se nga ofertat e ardhura në fazën e dytë, nuk ishte arritur sigurimi i sasisë së kërkuar për të optimizuar portofolin ekonomik të kompanisë, Komisioni i
Blerjes vendosi të negociojë me të gjitha kompanitë për të rritur sasitë dhe për të ulur çmimin për njësi.
Pas zhvillimit të raundit të tretë të përzgjedhjes, fituesit ishin shoqëritë Devolli Hydropower, EFT AG, GSA shpk, GEN-I Tirana shpk dhe AXPO doo Beograd./b.d
