Ornela Bregu ka zbuluar së fundi gjëra interesante nga jeta dhe karriera e saj. Në një intervistë televizive moderatorja e njohur ka folur për Adi Krastën, duke e quajtur si të mirë dhe të keqe eksperiencën me të.
“Fat i mirë, sepse kuptova limitet e televizionit falë tij, mora një eksperiencë shumë të mirë, megjithatë ishte njëkohësisht edhe fat i keq për mua. E dua shumë dhe nuk dua ta fyej, ai e di këtë gjë. Megjithatë Krasta, duke qenë një emër i madh, ishte pak prepotent për mua si një vajzë e re që doja të shprehesha.
Në atë kohë në ‘Telebingo’ filloi të bëhej edhe show dhe mua më mbetej vetëm pjesa e garniturës”, ka thënë me humor Ornela. Gjithsesi, moderatorja e njohur pranon se më së shumti në karrierë ka mësuar nga Krasta.
bw/d.i.
