Mjeku i parë që ndërroi jetë nga koronavirusi në vendin tonë, ështe Arjan Pushi, i cili u nda nga jeta në moshën 58 vjeçare.
Mjekë të nderuar si Arjan Pushi sakrifikuan jetën e tyre për të mjekuar personat e infektuar me Covid19. Personalitete të ndryshme kanë reaguar duke shprehur ngushëllimet për vdekjen e mjekut të njohur.
Ditën e sotme ka reaguar edhe Organizata e Muxhahedinëve, e cila ka falenderuar Dr. Pushin për ndihmën mjekësore të pakushtëzuar që u ka dhënë muxhahedinëve në Shqipëri.
“Organizata e Muxhahedinëve të Iranit u shpreh ngushëllimet e veta për humbjen e Prof. Pushit njerëzve dhe komunitetit mjekësor të Shqipërisë.
Që prej ditës së parë të ardhjes së muxhahedinëve në Shqipëri, ai i trajtoi pacientët tanë, jo vetëm si mjek, por edhe si mik i qëndresës dhe vëlla i dashur dhe mëshirëplotë. Prof. Pushi shpëtoi jetë njerëzish dhe u dha shërbimin më të mirë pacientëve të tij”, thuhet në njoftimin e tyre.
Nje stacion televiziv në Iran, i cili mbështet vendosjen e lirisë dhe demokracisë në vend, ka transmetuar një homazh special për Arjan Pushin.
/e.rr
