Në konferencën e përbashkët me homologun hungarez Viktor Orban, kryeministri Edi Rama u shpreh se Shqipëria dhe Hungaria kanë hyrë në një fazë të re të marrëdhënieve mes tyre.
“Ne kemi hyrë në një fazë të re të marrëdhënieve mes dy vendeve. Kjo vizitë përveçse është vizita e një miku të mirë, duke vazhduar një rrugë të re bashkëpunimi. Ne po vazhdojmë të bashkëpunojmë. Hungaria është një ndër avokatët më të zëshëm të Ballkanit Perëndimor. Hungaria dhe kryeministri Orban e kanë mbrojtur pa kushte procesin e përshpejtimit. Mbështetja nuk ka qenë vetëm me fjalë, por e konkretizuar me ekspertizë të vënë në dispozicion për qeverinë tonë”, tha Rama.
Gjithashtu Rama tha se BE ka nevojë për Ballkanin Perëndimor ashtu si edhe Ballkani ka nevojë për Bashkimin Europian.
“Duam të kemi më shumë kompani, kemi sjellë më shumë investime nga Hungaria në fushën e energjisë. Turizmi është bërë një urë lidhëse mes nesh. Ne besojmë se është koha për të menduar për investime”, tha ndër të tjera Rama.
Ndërkohë, Viktor Orban tha se në Shqipëri dhe në Ballkanin Perëndimor në tërësi ndodhen rezervat më të mëdha ekonomike dhe sociale që i duhen BE-së. Ai shtoi se është e turpshme cfarë ka ndodhur me integrimin e Shqipërisë, duke iu referuar kështu zgjatjes së procesit.
“Unë ua kam thënë skeptikëve se imagjinoni një BE pa Slloveninë, pa Bulgarinë, Rumaninë etj.. Se cfarë potenciali ekonomik do t’i mungonte. Shqipëria sot kapacitete në rritje dhe në zhvillim. Ne jemi një vend që nuk kemi det, por do donim te ndanim me ju eksperiencen e turizmit” – tha Orban.
/a.r
