Ekipi i shkencëtarëve që drejtojnë dhe lexojnë të ashtuquajturën ‘Ora e Apokalipsit’ ose “Ora e Kijametit”, e cila mat afërsinë e rrezikut të një katastrofe globale, thotë se njerëzimi nuk ka qenë kurrë kaq afër fundit.
Buletini i Shkencëtarëve Atomik, i cili që nga viti 1947 ka marrë përsipër këtë detyrë “simbolike”, zbuloi në konferencën për shtyp që i dha Uashingtonit, “orën” e re që tregon ora, e cila mat sa afër është njerëzimi me një katastrofë globale.
Kur akrepat e orës të shkojnë drejt 12-ës, pra kur arrijnë në mesnatë, atëherë sipas shkencëtarëve është fundi i botës.
Mediat e huaja thonë se shkencëtarët thonë se tani është një minutë e gjysmë, ose 90 sekonda deri në mesnatë dhe kjo do të thotë që njerëzimi nuk ka qenë kurrë kaq afër një ngjarjeje katastrofike globale.
Ky rrezik i shtuar sipas shkencëtarëve vjen kryesisht edhe nga lufta në Ukrainë, por jo vetëm.
Akrepat kanë avancuar me 10 sekonda dhe tani kanë mbetur vetëm 90 sekonda para mesnatës, duke bërë që të jemi më pranë se kurrë një ngjarjeje të padëshiruar nga të gjithë.
Pas Luftës së Dytë Botërore, ora tregonte 7 minuta deri në mesnatë. Në vitin 1992, me përfundimin e Luftës së Ftohtë, orët ranë në 17 minuta para mesnatës. Në 1953, 2018 dhe 2019 akrepat arritën 2 minuta para mesnate.
Buletini i Shkencëtarëve Atomik u themelua në vitin 1945 nga Albert Einstein dhe shkencëtarë të tjerë që punuan në Projektin “Manhattan”, për të ndërtuar bombën e parë atomike. Çdo vit këta ekspertë “lëvizin” akrepat e orës, duke shqyrtuar situatën që mbizotëron në botë.
/e.d
