“Opozita nuk ka kërkesa, por të drejta që ia jep kushtetuta. Kërkojmë plotësimin e të drejtave. Nuk i lutemi mazhorancës se nuk e ka mazhoranca në dorë të na plotësojë këto kërkesa. Rast rekord që të kalojë një seancë as 5 minuta. Turp që do të mbahet mend gjatë, janë të paligjshëm në paligjshmërinë e tyre. Ashtu siç e kanë marrë pushtetin, ashtu vazhdojnë ta mbajnë. Provokojnë opozitën. Kontrolli fizik, rreth 20 gardistë në hyrje të parlamentit. Gjendje e jashtëzakonshme. Deputetët duhet të zhvisheshin, të hiqnin xhaketat, rripat e pantallonave. Ka humbur nocioni shtet e ligj, kur u bëhet depuetëve mendoni çfarë u bëhet qytetarëve, fermerëve, minatorëve? Kemi parlament të uzurpuar. Gjendja alarmante, e jashtëzakonshem për mënyrën si sillet mazhoranca”.
Baçi theksoi se është e papranueshme që opozitës nuk mund t’i mohohet e drejta e saj.
“Opozita për herë të parë ëhstë ngritur në nivelin që duan të kenë qytetarët. Duam të drejtën që na kanë dhënë qytetarët për të dhënë argumentet e alternativat për qytetarët që përfaqësojnë. Nuk na i lejon këtë të drejtë Rama me mazhorancën. Në çdo korridor kishin vënë nga një gardist. Mazhoranca duhet të reflektojë, sepse nuk ka për të pasur normalitet nëse nuk zbaton rregulloren. Çdo gjë varet nga sjellja e mazhorancës. Nuk jemi ne bllokuesit. Nëse mazhoranca zbaton rregulloren, opozita megjithë kontestimet e zgjedhjeve të 2021, pranuam të jemi në opozitë por të na mohosh të drejtat si opozitar është e papranueshme”.
I pyetur në lidhje me deklaratat e mazhorancës se nuk doa ta lëmë vendin pa buxhet, për karrigen e Beirshës, Baçi u përgjigj:
“Çuçi dhe Basha janë në të njëjtin mendim. I gjithë sulmi përqëendrohet te Sali Berisha. Berishës karrigen ia kanë dhënë demokratët dhe nuk ia diskuton dot askush. Nuk ka lidhje me Berishën, por me të drejtën e qytetarëve. Nuk kërkojmë karrigen e Berishës, por komision hetimor parlamentar”.
Sipas tij bashkimi i deputetëve opozitarë ka frikësuar Ramën dhe Bashën.
“Kemi arritur të mposhtim frikën që kishin shumë deputetët për të dalë kundër mazhorancës, kemi qenë të përçarë dhe shumëgrupuar dhe kjo ka qenë arritje e Ramës për ta mbajtur grupin PD të përçarë. Sot i gjithë grupi PD është bashkë, përjashto ish-kryetarin e shitur publikisht me 6-7 deputetët që nuk ishin as sot në seancë. Vijnë vetëm kur u jep urdhër Rama, në rastin konkret votat Ramës nuk i duhen”.
/a.r
