Tri partit opozitare në këto momente janë duke zhvilluar takim të përbashkët mes liderëve të tyre dhe përkrahësve të tyre.
Ata kanë kritikuar koalicionin qeverisës për të cilat edhe po shprehin pakënaqësinë e tyre ndaj marrëveshjeve të Brukselit.
Lideri i NISMA për Kosovën Fatmir Limaj ka thënë se opozita është e bashkuar për ta ndalur të keqen siç thotë ai.
“Ne sot tri subjektet jemi të bashkuar për ta ndalur të keqen që po i ndodhë Kosovës, ne jemi të bashkuar sepse Kosova ka nevojë për një bashkim, zëri opozitar duhet të shtrihet anekënd Kosovës.
Prandaj bisedoni edhe me popullin tonë, mos e ndani popullin në këtë çështje si PDK LDK AAK VV NISMA. As njëri nga aktivistët nuk dëshirojnë një republikës “Srpska” dhe ndarjen e Kosovës.
Dhe marrëveshjet nuk do të kalojnë, opozita nuk do të ndahet drejt realizimit të objektivit të saj. Ne sot jemi bashkë për interes nacional.
Burra, gra djem e vajza duhet të shprehim përmes tubimit mospajtimin tonë ndaj këtyre dy marrëveshjeve që po shkatërrojnë vendin tonë” ka thënë Limaj.
