Nuk ka vonuar pergjigja e opozites per ftesen qe Rama e Meta i bene sot per te nisur nje proces dialogu. Ne nje formulim me shkrim te shperndare para pak minutash, opozita thote se eshte e gatshme per te nisur nje dialog konkret me palen tjeter, per te shkuar ne zgjedhje me nje qeveri “me mbeshtetje te gjere politike”. Sic bie ne sy, ka rene kerkesa per qeveri teknike, megjithese formulimi i mesiperm mbetet gjithsesi i paqarte. Nuk permendet gjithashtu si kusht votimi elektronik. Ne anen tjeter, opozita ofron zbatimin e reformes ne drejtesi “sipas percaktimeve kushtetuese te 22 korrikut”.
Ja deklarata e plote e opozites:
Koalicioni opozitar duke vlerësuar momentin kritik për Shqipërinë dhe shqiptarët për shkak të kërcënimit të zgjedhjeve dhe të votës së lirë dhe të ndershme nga krimi dhe droga me lidhje qeveritare, shpreh gatishmërinë për një tryezë dialogu të vërtetë dhe jo fasadë, me përfaqësuesit e partive të koalicionit qeveritar me qëllim krijimin e kushteve për zgjedhje të lira e të ndershme, përmes një qeverie me mbështetje të gjerë politike që do të garantojë:
1-Zbatimin e plotë të ligjit të dekriminalizimit.
2-Luftë efikase kundër narkotrafikut, krimit të organizuar dhe parave të drogës.
3-Përgatitjen e zgjedhjeve të lira e të ndershme.
4-Zbatimin e reformës në drejtësi, sipas përcaktimeve kushtetuese të 22 korrikut.
