Burime për A2 CNN bëjnë të ditur se deputetët e opozitës kanë nisur mbledhjen e firmave për kandidatët për Avokatin e Popullit.
Deri më tani janë depozituar në Kuvend 3 emra të mbështetur me firma, Erald Aga, Besim Ndregjoni dhe Edison Frangu.
Kujtojmë se disa muaj më parë, pas dështimit të negociatave politike për të zgjedhur Ledio Brahon në postin e Avokatit të Popullit, Kuvendi rinisi seancat dëgjimore.
Thirrjes së dytë iu përgjigjën 14 kandidatë të cilët paraqitën përpara deputetëve vizionin e tyre për drejtimin e institucionit.
Për të kaluar për votim në seancë plenare, një kandidaturë duhet të marrë mbështetjen e së paku 28 deputetëve.
/a.r
