Në sheshin “Nënë Tereza” në Gjakovë trë partitë opozitare, Aleanca për Ardhmërinë e Kosovës, Vetëvendosje dhe Nisma nisën protestën për të kundërshtuar marrëveshjen e asociacionit të komunave serbe dhe demarkacionin me Malin e zi.
Qyetarët kosovarë mbajnë në duar pankarta me mbishkrime “Zajednica nuk kalon”, “Nuk i falim tokat tona”, “Stop terrorit qeveritar”.
Kryetari i AAK-së, Ramush Haradinaj duke iu drejtuar qytetarëve, tha se “sot këtu jemi për shtet. Sot u themi JO marrëveshjeve, nga Gjakova. Marrëveshjet nuk kalojnë”.
“Pushteti i korruptuar, na ka nxjerrë në rrugë, sepse do ta bëjë Serbinë zot shtëpie në Kosovë. Na ka detyruar të përdorim gazlosjellës, se do t’i falë tokë Malit të Zi. Ne i themi JO, se Kosova është një e nuk bëhet dy”, theksoi Haradinaj.
Kryetari i Nismës për Kosovën, Fatmir Limaj u shpreh se “as burgosjet, shantazhet e thyerjet e banesave dhe asgjë nuk do të na ndalë dhe nuk do të na mbyllë gojën deri në anulimin e atyre marrëveshjeve të dëmshme për Kosovën”.
