Kuvendi i ka miratuar në mes koasit të opozitës projektligjet e rëndit të ditës. Teksa deputetët e opozitës ishin në foltoren e Kuvendit kreu i grupit parlamentar socialist Taulant Balla kërkoi që të hiqej dorë nga diskutimet dhe të kalohej me një herë në votim.
“Shqiptarët nuk duan fjalë po vepra, votoni sepse në secilën për zonat nga keni ardhur mezi presin investime nga rrjeti vaditës. Zoti kryetar i Kuvendit dua t’u kërkoja të hiqnim dorë nga diskutimet dhe të kalojmë menjëherë në votim”, tha Balla.
Kreu i Kuvendit, Gramoz Ruçi pranoi propozimin e Ballës duke kaluar menjëherë në votim, teksa opozita vijonte të fliste në foltore.
Ligje të rëndësishme të miratuara ishin marrëveshje e rëndësishme për linjën 400 kilovolt Shqipëri- Kosovë, financimi prej 42 milionë eurosh i KfVV dhe ngritja e Komisionit të Pavarur për Koordinimin, Monitorimin dhe ndjekjen e zbatimit të ligjit nr 115/2016 “Për organet e qeverisjes së sistemit të drejtësisë
Ndërkohë që Kuvendi miratoi projektligjet në rend të ditës dhe Ruçi mbylli seancë, opozita vijon fjalimet live në facebook dhe mbajti të bllokuar foltoren e Kuvendit.
Javanews.al/a.ç
