Opozita pritet të na dhurojë sot të njëjtin spektakël të pagëlltitshëm në Kuvend, si në rastin e betimit të kryeprokurores Arta Marku, ku përveç fjalorit banal të lidershpit PD- LSI, u hodhën edhe tymuese. Kuvendi do të mblidhet sot në orën 10:00 nën drejtimin e Zv/kryetares Vasilika Hysi, ndërsa në rend të ditës është parashikuar të bëhet edhe betimi i deputetit më të ri të Republikës së Shqipërisë, Spartak Braho, i cili zëvendësoi Saimri Tahirit, pasi ky i fundit hoqi dorë nga mandati. Opozita paralajmëroi se seanca e së enjtes nuk do të jetë normale nëse nuk dorëhiqej Xhafaj, ndërsa deputetët do tentojnë të bllokojnë punimet. Për skenarin si në rastin e Arta Markut u shpreh dje edhe deputetja e PS Ermonela Felaj e cila bëri të ditur se “opozita do të dhunojë Kuvendin njësoj siç bëri me betimin e kryprokurores”. Xhafaj në një dalje publike dje për mediat theksoi se audiopërgjimi i publikuar nga PD ku pretendohet se është regjistruar vëllai i tij është manipulim. Ministri deklaroi se s’ka ndërmend të japë dorëheqje, duke theksuarse nuk u trembej nga shantazheve të opozitës dhe krimit që janë bërë bashkë.
Nga ana tjetër PD në harkun e këtyre 48 orëve s’ka mundur të paraqesë asnjë provë sado minimale se audioregjistrimi është i vërtetë dhe i pamanipuluar. Ajo madje nuk pranoi fillimisht edhe ta dorëzonte në Prokurori. PD u detyrua të dorëzojë audipërgjimin e saj vetëm kur prokuroria trokiti në derën e selisë blu.
Paralelisht me verfikimin e audipërgjimit prokuroria ka thirrur sot për të dëshmuar edhe dy deputetë të PD Enkelejd Alibeaj dhe Ervin Salianji, si dhe ish ministrin e drejtësisë Gazmen Bardhi. Ajo që është vënë re në këto orë të fundit është përpjekja e PD për të ikur nga përgjegjësia, duke i trajtuar deputetët e saj si gazetarë që nuk tregojnë burimin e audiopërgjimit. Nëse provohet se audippërgjimi është i falsifikuar mbi dy deputetët e PD dhe ish ministrin e drejtësisë rëndojnë akuza të rënda si manipulim dhe falsikim, shantazh, akuza këto të cilat i çojnë pas hekurave.
A. Meta/ javanews.al
