Kryetarët e partive opozitare kanë dalë sot në një konferencë për media para Teatrit Kombëtar në Prishtinë, ku kanë bërë të ditur fillimin e protestës ndryshe nga herët e tjera.
Partitë opozitare AAK, Nisma dhe Lëvizja Vetëvendosje kanë paralajmëruar se nga sot do të protestojnë ditë e natë para Qeverisë dhe Kuvendit.
Ramush Haradinaj, Visar Ymeri dhe Fatmir Limaj kanë deklaruar se nga sot fillon një epokë e re dhe se do të qëndrojnë këtu deri në rrëzimin e Qeverisë.
Aktivistët e partive opozitare kanë filluar që të ngrenë tendat në sheshin “Skënderbeu” në qendër të Prishtinës, ndërsa kanë marrë me vete të gjitha pajisjet.
