Ndonëse u bë kohë që ka kaluar demarkacioni në Kuvend, partitë opozitare janë të mendimit se nuk është proceduar më tej me dhënien e fakteve se Kosova ka humb territor.
Prandaj thonë se duhet bërë korrigjimi sa nuk është bërë vonë. Ndaj versionin që e propozoi Ramush Haradinaj, Hashim Thaçi ia dha menjehere nënshkrimin.
Presidenti i vendit tashmë e ka dekretuar ligjin për demarkacionin me Malin e Zi bashkë me nenet e kërkuara nga Kryeministri.Kjo bashkë me ujdinë që Thaçi e bëri me homologun malazez Filip Vujanoviq për rishikimin e vijës kufitare në rast se ndonjë shtet ka dëshmi për gabime.
Por tani pas dekretimit të ligjit partitë opozitare po thonë se Qeveria aktuale fare nuk është angazhuar në pasqyrimin e fakteve që dëshmojnë humbje territori.Madje sipas deputetes së Vetëvendosjes Albulena Haxhiut tani ky proces mund të jetë i pakthyeshëm.
Haxhiu pretendon se edhe me pasqyrimin e fakteve e reja ato nuk do të merren parasysh nga Kuvendi i shtetit fqinj.
Se përfundimi i këtij procesi i mbetet barrë kësaj qeverie e duhet ta përfundojë atë sa më parë e thotë edhe Arban Abrashi nga Lidhja Demokratike e Kosovës.
Kjo pasi sipas tij, me kauzën e shpëtimit të territorit në vijën kufitare me Malin e Zi Haradinaj kishte ardhur në pushtet.Por vetë shefi i ekzekutivit po thotë se puna në shënjim të drejtë të me Malin e Zi nuk është ndalur.
E në anën tjetër është i bindur se pala malazeze nuk do të jetë refuzuese.Për mbledhjen e fakteve të reja për shënjimin e kufirit Kosovë-Mali i Zi të dy qeveritë kanë formuar komisionet përkatëse që do të analizojnë vijën kufitare, përgatiti Express. (b.an)
