Përfundon mbledhja e grupit të PS në drejtimin e Niko Peleshi, para seancës së sesionit të ri që do të mbahet këtë të hënë.
Në takimin me dyer të mbyllura që ka zgjatur 30 minuta, kreu i grupit iu ka kërkuar deputetëve që këtë sesion të ri parlamentar të jenë të pranishëm në çdo komision dhe seancë plenare dhe të evitojnë mungesat, raporton A2.
Nga ana tjetër deputetët socialistë janë vënë në dijeni se sjellja e opozitës do të jetë agresive. Për këtë arsye përgjigja e grupit socialist duhet të jetë demokratike dhe në respekt të rregullores së Kuvendit.
Në këtë takim nuk është diskutuar se cili do të jetë qëndrimi i mazhorancës për mandatin e Olta Xhaçkës.
