Mazhorancë-Opozitë vijojnë përplasjet për ligjet e reformës në drejtësi. Deputetët e pakicës braktisën sot mbledhjen e Komisionit për Reformën në Drejtësi me pretendimin se me votimin që bëri mazhoranca po zhbën kushtetutën e miratuar në 22 korrik.
Në përfundim të mbledhjes përfaqësuesit e mazhorancës Vasilika Hysi dhe Ulsi Manja thanë se kanë zbatuar germë për germë kushtetutën.
“Opozita është e paqartë në atë çka kërkon sepse ligji që diskutuam sot respekton germë për germë kushtetutën që kemi miratuar dhe konkretisht nenin 147 pika 3. Në këtë nen është marrë referenca në pikën 16 i opinionit final të Venecias.
Në kompozimin e KLGJ dhe KLP anëtarët jo gjyqtare do të zgjidhen nga një proces transparent të baras larguar nga politika dhe flet për një proces përzgjedhje nga trupave e avokatëve, shoqëria civile dhe një proces zgjedhje me një formulë politike.
Ky rekomandim ka gjetur zgjidhje nenin 147 pika 3 e kushtetutës. Sot debati i mazhorancës ka qenë brenda kuadrit kushtetues. Ne sot kemi respektuar nenin 147 pika 3 e kushtetutës dhe nuk ka asnjë devijim nga kushtetuta që ne kemi miratuar”, tha deputeti socialist Manja.
