Ka nisur me debate të ashpra seanca parlamentare.
Opozita ka bllokuar foltoren, pasi kryetari Ruçi i ndërpreu fjalën Edmond Spahos, që po fliste për ekstradimin e Nazer Sitit drejt Italisë.
Mes deputetëve ishte dhe vete kreu i PD-së Lulzim Basha. Duke marrë shkas nga tensionet e krijuara në sallë, Ruçi ndërpreu seancën.
Ruçi u shpreh se Spaho ishte jashtë rendit të ditës duke i ndërprerë fjalën, por Lulzim Basha me deputetët e PD u drejtuan drejt foltores duke e bllokuar. Ruçi iu drejtua Bashës me fjalët “Uluni poshtë, mos bëj si halabak, mos prek punonjësit, bëj liderin. Basha të paralajmëroj, ndërpritet seanca…”
Të gjithë deputetët e Kuvendit të Shqipërisë kanë kaluar në skanerin e Gardës së Republikës në hyrje të institucionit, para se të niste seanca plenare.
Zhvillimet e Kuvendit orë pas ore:
12:55 Rrëzohet lista me kandidatët për KLGJ dhe KLP. Procedura digjet për herë të dytë.
12:50 Rinis seanca, Ruçi: Interpelanca e kërkuar nga PD, seancën tjetër
Ju njoftoj se sot është depozituar një kërkesë për interpelancë nga PD dhe LSI nga Spaho dhe Vasili. Kërkesa do të zhvillohet në seancën në vijim.
12:05 Ndërpritet seanca për 10 minuta me kërkesë të grupit të PS
11:50 Ruçi-Bashës: Vijon që të jesh akoma në miting
11:45 Besnik Bare: Falenderoj opozitën që na kursen kohën, kështu vijoni edhe radhën tjetër
Ora 11:36 Deputetet e PS flasin nga vendi, opozita në foltore
11:25 Provokon deputetja e PD, Ruçi: Garda kordon mes shumicës dhe opozitës
Deputetja e PD, Dhurata Çupi ka kaluar në pjesën ku qëndrojë deputetët e shumicës duke i kërkuar deputetit Nasufi që të shkonte të fliste në foltore dhe jo nga vendi. Kjo ka sjellë reagimin e deputetëve të shumicës, që e kanë larguar, ndërsa më pas kanë ndërhyrë edhe deputetë e opozitës, por Ruçi urdhëroi ndërhyrjen e gardës për të vendosur kordon mes dy krahëve të shumicës dhe opozitës
11:20 Opozita vijon bllokimi i foltores së Kuvendit
Ora 11:05 Ruçi i kërkon Gardës të nxjerrë me forcë Spahon nga seanca
Ora 10:48 – Kryeparlamentari Gramoz Ruçi ka përjashtuar nga seanca parlamentare deputetin e Partisë Demokratike Edmond Spaho pasi bllokoi foltoren e Kuvendit.
Gramoz Ruçi: Uluni poshtë, mos bëj si halabak, mos prek punonjësit, bëj liderin. Basha të paralajmëroj, ndërpritet seanca…
Opozita bllokon foltoren
Gramoz Ruçi: Është jashtë rregullores, ndërpritet fjala
Edmond Spaho: Ka ndodhur një skandal i madh, i paprecedentë. Nazer Seiti është ekstraduar, edhe pse ndalohet, pasi është në hetim në Shqipëri.
Tritan Shehu: Në asnjë Parlament nuk kontrollohen deputetët….
Gramoz Ruçi: Nuk e di çfarë shqetësimi keni, por do ta shqyrtojmë dhe do ta zgjidhim menjëherë.
Ora 10:20 Paloka: S’jemi terroristë, na trajtuan si rreckë
Na u bë kontroll i rreptë në hyrje të Kuvendit. Ne jemi deputetë, as hajdutë, as terroristë, as kriminelë. Pse ka frikë ai lideri juaj global, nuk mund ta trajtoni deputetin si rreckë.
Një temë e nxehtë që diskutohet sot në seancë është edhe miratimi i listave të kandidatëve për KLGJ dhe KLP. Një tjetër temë kjo që ka përplasur jo pak palët politike, pasi opozita ka akuzuar disa nga kandidatët që pritet të zgjidhen anëtarë të organeve të reja të drejtësisë si të dënuar, ish-bashkëpunëtorë të Sigurimit të Shtetit apo që nuk plotësonin kriteret.
vijon
