I ftuar mbrëmjen e së hënës në “Open” ka qenë ish-kryeministri Sali Berisha, që ka folur edhe për operacionin e fundit policor që çoi në arrestimin e 26 personave. Për ish-kryeministrin Berisha operacioni i cilësuar i suksesshëm nga policia është dekonspiruar nga uniformat blu.
“Fundjava mund të konsiderohet si fundjava e dekonspirimit të operacioneve ndërkombëtare. Bosët janë larguar. Sasia e konvertuar në heroinë janë në tonelata. Kapën fshatarët, nuk mund ta bëjnë ata këtë trafik droge. Ky laborator, shumë herë më i madh se sa ai i Xibrakës, ka nevojë për mbështetje”, u shpreh ish-kryeministri Berisha, duke theksuar edhe njëherë se operacioni i ndërkombëtarëve u dekonspirua nga policia e shtetit.
Ish-kryeministri Sali Berisha ka nxjerrë një fotografi të kryeministri Edfi Rama, me një tjetër person për të cilin Berisha, tha se është “Peçe Avdyli” me Ramën. Berisha akuzoi kreun e qeverisë se ka lidhje me bandën e Avdylajve të goditur gjatë mega-aksionit të Policisë, rezultatet e të cilit u bënë publik paraditen e kësaj të hëne.
“Peçe Avdyli me Ramën gjatë fushatës së fundit”, tha Berisha, i ftuar në emisionin “Open”.
Ish-kryeministri hodhi akuza se kryebashkiaku i Durrësit ka lidhje të forta me Avdylat dhe se në hetimet që çoi këtë grup në pranga, ka pasur përgjime që implikojnë edhe Vangjush Dakon, por ky i fundit u shpëtua nga Rama.
vijon
ma.me
