Teksa ONE Albania përfundon hapat e fundit të bashkimit, kompania më e madhe e telekomunikacionit unifikon rrjetin e saj në këtë fundjavë, më 1 prill 2023. Në këtë ditë 450 mijë abonentë nga rrjeti ALBtelecom do të kalojnë në rrjetin ONE. Kjo procedurë është një operacion teknik unik dhe i rëndësishëm që nuk është bërë kurrë më parë në vend.
Edhe pse ekipi i ONE Albania do të bëjë çmos për të përfunduar këtë proces kalimi pa asnjë shqetësim, lutemi në mirëkuptimin e abonentëve tanë në rast të hasjes së problemeve me shërbimin. Ky tranzicion teknik do të sjellë përfitime për abonentët që do të transferohen, duke kaluar në një rrjet të ri, me cilësi shumë më të lartë. Nëse keni ndonjë vështirësi me shërbimin tuaj, ju lutemi fikni dhe rindizni pajisjen tuaj celulare.
Si pjesë e bashkimit në ONE Albania, ky hap do të sigurojë unifikimin e rrjetit, në të njëjtën kohë dhe përditësimin e shërbimeve të kompanisë, tarifave dhe kushteve të përgjithshme të pajtimtarit, në sistemet e rrjetit ONE Albania. One. Për ty.
Rreth ONE Albania
ONE është një markë e prezantuar së fundmi në Shqipëri pas bashkimit të One Telecommunications dhe ALBtelecom. Të dyja kompanitë u bënë ONE Albania që prej 1 janarit 2023. ONE Albania është kompania më e madhe e telekomunikacionit në vend. Si me rrjetin celular 4G+ tepër të besueshëm, ashtu edhe me infrastrukturën fibër, ONE u mundëson abonentëve lidhje në çdo moment dhe kudo në Shqipëri.
ONE është rrjeti celular më i madh në Shqipëri me 1100 stacione mbulimi në të gjithë vendin dhe rrjeti më i madh i fibrave optike në Shqipëri. Me 5,400 km fibër optike në të gjithë vendin, ne ofrojmë lidhje me shpetësi të lartë deri në 1 Gbit/s përmes rrjetit fibër në shtëpi dhe më shumë se 10 Gbit/s për partnerët tanë ISP.
ONE mundëson nivelin më të lartë të sigurisë në komunikim dhe në mbrojtjen e të dhënave për abonentët, në përputhje me standardet botërore. ONE Albania është porta kryesore në botën e internetit, duke pasur lidhje me fibra nëndetare me Italinë, për të mundësuar lidhjen më të shpejtë dhe cilësinë më të mirë të internetit për vendin. ONE Albania është anëtar i grupit hungarez 4iG.
