Organizata Botërore e Shëndetësisë u ka kërkuar njerëzve që të anulojnë disa nga planet e tyre të pushimeve për të mbrojtur shëndetin pasi varianti Omicron po përhapet globalisht.
“Një ngjarje e anuluar është më e mirë se një jetë e anuluar”, tha kreu i OBSH-së, Dr Tedros Adhanom Ghebreyesus, duke shtuar se duhet të merren “vendime të vështira”.
“Në disa raste, kjo do të nënkuptojë anulimin ose shtyrjen e ngjarjeve,” tha ai, shkruan BBC.
Ai shtoi se tani kishte “prova të qëndrueshme që Omicron po përhapet dukshëm më shpejt se Delta”.
Komentet e Dr Tedros vijnë pasi një numër vendesh – përfshirë Francën dhe Gjermaninë – kanë shtrënguar kufizimet për Covid dhe kanë vendosur kufizime udhëtimi në përpjekje për të ndaluar përhapjen e variantit të ri.
Holanda ka vendosur një bllokim të rreptë gjatë periudhës së Krishtlindjes.
g.kosovari
