Sekretari i Përgjithshëm i OKB-së Antonio Guterres i kërkoi me ngut Rusisë dhe Ukrainës që të dakordësohen për një perimetër të demilitarizuar qark impiantit bërthamor të Zaporizhias në Ukrainë, nën kontrollin e ushtrisë ruse.
Zelensky e përshëndeti thirrjen e OKB, për një zonë të mbrojtur e të sigurtë qark impiantit të Zaporizhias, e cila qëndron nën pushtimin e ushtrisë ruse që në fillim të luftës dhe ditët e fundit është sulmuar disa herë, duke bërë që palët të akuzojnë njëra tjetrën.
Vetëm të martën, Rusia akuzoi Ukrainën se e ka goditur zonën 3 herë në 24 orët e fundit ndërsa Kievi zyrtar thotë se forcat ruse kanë përdorur impiantin si fushë e terrenin e duhur për të qëlluar drejt qyteteve përqark.
Ende në centralin bërthamor, punojnë, nën presionin e kërcënimin e ushtrisë ruse, 907 punonjës ukrainas.
/a.r
