Një gjë e habitshme ka ndodhur në një ceremoni kishtare në Napoli të Italisë, që është konsideruar si ogur i keq. Kjo pasi gjaku i shenjtorit Gennaro nuk u lëngëzua pavarësisht se u kalua dorë më dorë për dy herë rresht gjatë lutjes së besimtarëve.
Shishja që përmban gjakun e tharë të martirit të shekullit të 4, vihet në dispozicion për publikun 3 herë në vit në katedralen e qytetit ku besimtarët luten që ajo të lëngëzohet dhe një fenomen të tillë e quajnë si “Mrekullia e San Gennaro”.
Shkencëtarët shprehen se substanca brenda saj është gjak i tharë, por nuk e kuptojnë dot sesi ndonjëherë bëhet i lëngshëm ndonjëherë qëndron i mpiksur.
Napoletanët nervozohen nëse diçka e tillë nuk ndodh për ditën e shenjtë.
Herën e fundit që një fenomen i tillë ndodhi, në 19 Shtator të 1980, një tërmet masiv goditi jugun e Italisë dy muaj më vonë duke i marrë jetën 3000 njerëzve.
Të mërkurën kardinali i qytetit Crescenzio Sepe i tha besimtarëve të mos demoralizohen.
“Nëse diçka ka nevojë të shkrihet është në zemrën e njerëzve”, vijon ai.
/a.r
