Njërit prej viktimave të atentatit të dyfishtë mbrëmjen e kësaj të hëne në Elbasan iu dorëzua jo më larg se një vit më parë formulari i vetëdeklarimit të pasurisë në kuadër të operacionit të famshëm “OFL”.
Ardian Çollakut, njohur edhe si Ardian Subashi OFL e njoftoi në daljen e 21 shtatorit 2020 që të plotësonte formularin e vetëdeklarimit të pasurisë, pasi rezultonte i dënuar për trafik lëndësh narkotike dhe shfrytëzim prostitucioni.
“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special”, thuhej në njoftimin e OFL.
Nuk dihet se çfarë është bërë me dosjen e Çollakut dhe mbetet gjithashtu mister se si lëvizte i lirë në Elbasan, në një kohë që ndaj tij ka një urdhër arrestimi ndërkombëtar të lëshuar nga Interpoli për një dënim me 23 vite burg në Itali. SHQIP
