Pagat e larta, dietat, trajtimi për naftën, pagesat për pjesëmarrjen në komisione duket se nuk mjaftojnë për deputetët. Për ata që vijnë nga rrethet dhe nuk kanë banesë në Tiranë, ligji u njeh të drejtën të paguhen edhe për strehim.
Ky kompensim shkon 35 mijë lekë në muaj. Disa deputetët kanë plotësuar formularin për trajtimin si të pastrehë, e duke përfituar kështu pagesën shtesë. Ligjvënësit janë nga të gjitha partitë.
Trajtimi me bonus për strehimin bazohet në vendimin e Kuvendit nr 114, pika 10, ‘për mënyrën e trajtimit të deputetëve’.
Të paktën 4 deputetë kanë plotësuar dokumentacionin ndërkohë 2 të tjerë janë në proces:
1. Nadire Meçorapaj, deputete e PD-Vlorë
2. Gledjon Rehovica-Deputet i LSI–Berat
3. Edlira Bode-Deputete e PS-Korçë
4. Izmira Ulqinaku-Deputete e PD- Shkodër.
Në proces:
1. Nard Ndoka-Deputet i PDK-Shkodër
2. Edmond Leka-Deputet i PD-Vlorë.
