Oda Ekonomike Amerikane në Kosovë në këto zgjedhje presidenciale në Amerikë nuk mbështet asnjërin kandidat. Ajo nuk pajtohet me programin e asnjërit prej tyre.
Arian Zeka nga Oda Ekonomike Amerikanë në Kosovë ka thënë se pajtohen vetëm tek pjesa e infrastrukturës, transmeton Koha.net.
Ai në “Rubikon” të KTV-së ka thënë se shqetësim i tyre mbetet te kandidatura e Trumpit pasi nëse ai vjen në krye të Amerikës vendi do të humb 3.5 milionë vende të punës dhe rrjedhimisht do të ketë ekonomi më të dobët.
“Çfarë e shqetëson Odën Ekonomike të Amerikës ata kanë qenë shumë më kritik ndaj Donald Trump pasi vjen nga bota e biznesit dhe besoj se Donald Trump do të duhej të ishte pjesë e Odës por siç thash ata janë shumë të shqetësuar më kandidaturën dhe deklaratat e tij.
Nëse Donald Trump vjen në krye të SHBA-ve atëherë Amerika do të humb rreth 3.5 milionë vende të punës dhe rrjedhimisht do të ketë ekonomi më të dobët”, përfundoi ai. (b.an)