Organizata Botërore e Shëndetësisë paralajmëroi këtë të hënë se trajtimi me plazmë nga të shëruarit me COVID-19 për të ndihmuar në mjekimin e pacientëve të infektuar konsiderohet akoma si një terapi eksperimentale dhe shprehu shqetësime se trajtimi që po bëhët në SHBA do të pengojë studimet zyrtare të shkencëtarëve.
Të dielën, Administrata Amerikane e Ushqimeve dhe Ilaçeve autorizoi trajtimin, që ndryshe quhet si “përdorimi urgjent” i trajtimin nën fuqitë e tij të veçanta për të përshpejtuar disponueshmërinë e barnave premtuese eksperimentale gjatë një krize të shëndetit publik.
Deri më tani, “Rezultatet nuk janë përfundimtare”, tha shkencëtarja kryesore e OBSH, Dr. Soumya Swaminathan, gjatë një konference për shtyp. “Për momentin, nuk kemi prova të mjaftushme se funksionon”, shpjegoi ajo.
Plazma konvaleshente është një trajtim shekullor që është përdorur për të luftuar gripin dhe fruthin përpara se të dilte vaksina dhe është përdorur gjithashtu edhe gjatë shpërthimit të Ebolës në vitet e fundit. Në momentin që trupi përballet me një mikrob, ai prodhon një proteinë që quhet antitrup dhe është i specializuar për të luftuar infeksionin. Antitrupat gjenden në plazmën e gjakut, e cila mblidhet nga të shëruarit me COVID-19 për t’ia dhënë pacientëve të infektuar.
Swaminatha tha se OBSH e konsideron trajtimin me plazëm si një terapi eksperimentali dhe se është e vështirë që të standarizohet: “Plazma duhet marrë individualisht dhe të gjithë prodhojnë nivele të ndryshme antitrupash”, është shprehur ajo.
/a.r
