OBSH ka miratuar përdorimin emergjent të vaksinës së kompanisë Sinovac, CoronaVac Covid-19, duke garantuar që plotëson standardet ndërkombëtare të sigurisë.
Sakaq, ministrja e Shëndetësisë Ogerta Manastirliu me anë të një postimi në rrjetin e saj social në Facebook ka përshëndetur këtë vendim për përdorimin e vaksinave CoronaVac.
“LAJM I MIRË. OBSH aprovon përdorimin emergjent të vaksinës së kompanisë Sinovac, CoronaVac Covid-19, duke garantuar që plotëson standardet ndërkombëtare fë sigurisë, efikasitetit dhe prodhimit”, shkruan Manastirliu.
Kjo vaksinë është duke u përdorur masivisht edhe në Shqipëri, ku që prej kohësh po vijon vaksinimi masiv i popullsisë.
/a.r
