Numri i planetëve jashtë sistemit diellor që janë zbuluar deri tani është dyfishuar, pasi NASA ka konfirmuar ekzistencën e rreth 1.300 planetëve të rinj, të cilët i ka zbuluar nëpërmjet teleskopit hapësinor Kepler.
Nëntë prej tyre mendohet se janë planetë shkëmborë, të cilët mund të kenë të zhvilluar edhe atë që bota e njeh me termin ekzistenca e alienëve.
Kepler, i cili është një teleskop në hapësirë i nisur nga NASA, ka qëllim zbulimin e planetëve që janë të ngjashëm me Tokën, mision ky që ka nisur prej vitit 2009.
Ky investigim madje ka zbuluar 12 planetë të cilët nuk kanë temperatura në ekstreme, duke bërë të mundur kështu hedhjen e një hije dyshimi për ekzistencën e jetës në një tjetër dimension.
Nëntë planetë shkëmborë janë edhe më intriguesit për shkencëtarët, ku më premtuesi është Kepler 1638b, i cili është rreth 60 për qind më i madh se Toka dhe pak më afër yllit të tij, me një orbitë prej 259 ditësh.
Misioni i Keplerit përfundon vitin e ardhshëm dhe në vijim do të zëvendësohet me teleskopë të tjerë të NASA-s.
TCH/d.i.
