I pyetur për rrëzimin e avionit rus këtë të martë nga ana e autoriteteve turke, Presidenti i SHBA-ve Barack Obama tha se Turqia ka të drejtën e saj, si çdo vend, që të ruajë territorin dhe hapësirën e saj ajrore. Duke shtuar, Obama tha se është ende duke marrë detajet e kësaj ndodhie. Presidenti i SHBA-ve shtoi po ashtu se është njëri ndër prioritetet e tij, ndalimi i përshkallëzimit të situatës mes Turqisë dhe SHBA-ve.
“Turqia, si çdo vend, ka të drejtën e tij për të ruajtur territorin dhe hapësirën e vet ajrore”- ka thënë Obama, gjatë fjalës së tij në një konferencë me Presidentin Francez Hollande, në Shtëpinë e Bardhë.
Ndërkohë, Presidenti Francez Hollande tha se përshkallëzimi i situatës mes Turqisë dhe Rusisë duhet parandaluar, duke qenë në të njëjtën linjë me homologun amerikan.
“Qëllimi i vetëm është të luftojmë kundër terrorizmit dhe Shtetit Islamik”- tha Presidenti Hollande.
